លោកឌឺន និង អាជីពជាអ្នកអ៊ុំទូក

https://soundcloud.com/singhtararith-chea/xpq2pkviftr8

​នៅក្នុងព្រះរាជ​ពិធី​​​បុណ្យ​អុំទូក​ បណ្ដែតប្រទីប​ សំពះព្រះខែ និង​អក​អំបុក ឆ្នាំ ២០១៤ នេះ ធ្វើឡើងរយៈពេល៣ថ្ងៃ ចាប់ពីថ្ងៃទី៥ ដល់ថ្ងៃទី៨ ខែវិច្ឆិកា។ ពិធីបុណ្យនេះត្រូវ​បាន​​ប្រារព្ធ​ធ្វើ​តាំង​ពី​សម័យ​បុរាណ​ ក្នុង​រជ្ជកាល​ព្រះ​បាទ​ជ័យវរ្ម័ន​ទី​៧ ដើម្បី​រម្លឹក​ដល់​គំរូ​វីរភាព​ដ៏​អង់អាច​ក្លាហាន​របស់​កង​ទ័ព​​ជើង​ទឹក​ ខ្មែរ ដែល​បាន​រំដោះ​ទឹកដី​រួច​ផុត​ពី​ការ​ជិះ​ជាន់​ របស់​ពួក​ខ្មាំង​សត្រូវ​(​ពួក​ចាម)។ ក្នុង​ឱកាស​នេះ គេ​សង្កេត​ឃើញ​ប្រជាពលរដ្ឋ​មក​ពី​បណ្ដា​ខេត្ត ក្រុង​មួយ​ចំនួន​យក​ទូក​មក​ប្រណាំង​នៅ​ទន្លេ​ចតុមុខ ​មុខ​ព្រះបរមរាជវាំង ដណ្ដើម​យក​ជ័យជម្នះ​ ឱ្យ​ខេត្ត​ក្រុងរបស់​ខ្លួន​។

សិ្ថតក្នុងឯកសណ្ឋានពណ៌លឿន យ៉ាងចែងចាំង ប្រៀបដូចជាព្រះអាទិត្យ ដែលកំពុងតែបណ្តែតខ្លួនយ៉ាងលឿនលើផ្ទៃទន្លេចតុមុខ ទូកដែលឧបត្ភមដោយ លោក ហ៊ុន នាងមួយនេះ មានឈ្មោះថា ដូនពេញសែនជ័យ ដែលជាទូកប្រចាំវត្តបុទុមវត្តី ទីក្រុងភ្នំពេញ។ បំពាក់នឹងលេខសម្គាល់ ១០៧  ទូកដែលធ្វើពីឈើគគីមួយនេះ មានចំនុះអ្នកអ៊ុំភេទប្រុសចំនួន ៦៧ នាក់ ដែលគេចាត់ជាទូកខ្នាត់ធំ។

ស្ថិតក្នុងវ័យ៤០ ឆ្នាំ លោកឌី ឌឺន ដែលជាកម្លាំងមួយ ក្នុងចំនោមអ្នកអ៊ំទូកដូនពេញសែនជ័យទាំងអស់ បានប្រាប់ពីប្រវតិ្ត ក៏ដូចជាបទពិសោធន៏ របស់លោកទាក់ទង ទៅនឹងអាជីពជាអ្នកអ៊ុំទូក។

ដែលជាអ្នកខេត្តព្រៃវែង និងជាអ្នកធ្វើស្រែចំការផងនោះ លោកឌី ឌឺន បានធ្វើជាកម្លាំងអ៊ុំឲ្យទូកមួយនេះ ចាត់តាំងពីទូកនេះដាក់ប្រណាំងដំបូង កាលពី៨ឆ្នាំមុនមកម្លេះ។

លោកឌី ឌឺន និងសមាជិកក្រុម ជារៀងរាល់ឆ្នាំតម្រូវឲ្យមកភ្នំពេញប៉ុន្មានថ្ងៃមុនពីធី ដើម្បីហាត់ ជាក់ស្តែងក្នុងឆ្នាំនេះ លោកតម្រូវឲ្យមកតាំងពីថ្ងៃទី១ ខែវិចិ្ឆកា។ ហើយក្នុងការស្នាក់នៅ និងហូបចុកវិញ អ្នកចាត់ការទូកទទួលផ្គត់ផ្គង់ឲ្យបាយ៣ពេល និងឲ្យជាកន្លែងស្នាក់នៅក្នុងវត្តខូរសាចារ្យជាដើម។ បន្ទាប់ពីការប្រកួតត្រូវបានបញ្ចប់ អ្នកចាត់ការទូកក៏ឲ្យជាអង្ករ ក៏ដូចជាលុយផងដែរ ប៉ុន្តែចំនួនលុយគឺគិតតាមចំណាត់ថ្នាក់ដែល ទូកទទួលបាន។

បើនិយាយពីលទ្ធផល និងចំណាត់ថ្នាក់វិញ ទូកដូនពេញសែនជ័យ មួយនេះកម្រណាស់បានលេខ២ និងលេខ៣ គឺភាគច្រើនជាប់លេខ១រាល់ឆ្នាំប្រកួត នេះបើតាមសម្តីរបស់លោកឌី ឌឺន។

ការអ៊ុំទូកខ្នាត់ធំនេះ ក៏តម្រូវឲ្យមានបច្ចេកទេសមួយចំនួនផងដែរ។ ជាក់ស្តែងទាក់ទងទៅនឹងបច្ចេកទេសអ៊ុំ លោកឌី ឌឺន ក៏បានបង្ហើបពីបច្ចេកទេសអ៊ុំរបស់ក្រុមរបស់លោក ដើម្បីយកឈ្នះគូរប្រកួត។ (សំខាន់អ្នកកាន់ចង្កូតទូក ពិព្រោះការប្រណាំងទូកសំខាន់ជាងគេគឺលំនឹង។)

"សំដីរបស់លោកឌឺន"

កម្លាំងអ្នកអ៊ុំគឺសំខាន់ណាស់ក្នុងការប្រកួតប្រភេទនេះ ប៉ុន្តែគេសង្កេតឃើញ អ្នកអ៊ុំទូកភាគច្រើនស្ថិតក្នុងវ័យចំនាស់បន្តិច ក្នុងល្បាក់៤០ ទៅ៥០ ឆ្នាំ។ ចុះមូលហេតុអ្វីបានជាពុំសូវឃើញមាន អ្នកអ៊ុំជាយុវជន។ លោកឌឺន ក៏បានបង្ហើបមូលហេតុដែល គេយកអ្នកអ៊ុំវ័យចំនាស់បន្តិចជាជាង យកយុវជនក្មេងៗមកអ៊ុំ។

"សំដីរបស់លោកឌឺន"

នៅក្នុងការប្រណាំងចម្ងាយ១៧០០មែត្រនេះ ការប្រណាំងតែងតែមានការប្រជែងដណ្តើមខ្សែទឹកគ្នា ហើយក៏អាចឈានដល់ការប៉ះគ្នា និងបង្ករជាជម្លោះជាដើម។
"សំដីរបស់លោកឌឺន"

ការប្រណាំងទូកគ្រប់ប្រភេទ ទាំងបុរស និង នារី នៅឆ្នាំនេះ មានចំនួន ១២៥ គូ នេះបើតាមគណៈកម្មាធិការជាតិ រៀបចំបុណ្យជាតិ និងអន្តរជាតិ  ដែលឆ្នាំនេះមានចំនួនតិចគូរប្រណាំង តិចជាងឆ្នាំកន្លងទៅ ដែលមានចំនូនគូប្រកួតប្រមាណជាជាង៣០០គូ។ លោកក៏បានប្រាប់ពីហេតុផលដែលទូកនៅឆ្នាំនេះមានចំនួនតិចជាងឆ្នាំទៅផងដែរ។
"សំដីរបស់លោកឌឺន"

លោកក៏បានបង្ហើបពីចំនុចខ្សោយរបស់ទូកចាញ់ផងដែរ។

"សំដីរបស់លោកឌឺន"

ចំពោះបញ្ហាលិចទូកកាលពីថ្ងៃអ៊ុំទូកទី២ លោកក៏បានប្រាប់ពីការយល់ឃើញពីបញ្ហានេះផងដែរ។

"សំដីរបស់លោកឌឺន"

លោកក៏បានបង្ហាញពីសុតិថិនិយមរបស់លោកទៅលើការប្រណាំងនៅក្នុងឆ្នាំនេះ ដោយសង្ឃឹមយា៉ងម៉ុតមាំថា ទូករបស់លោកនឹងទទួលបានជ័យជំនះ ផងដែរ។ 
"សំដីរបស់លោកឌឺន"

គាត់ក៏មានទឹកចិត្តសប្បាយរីករាយ គាត់ក៏ចង់ឲ្យមានពិធីបុណ្យនេះជារៀងរាល់ឆ្នាំផងដែរ។ 
"សំដីរបស់លោកឌឺន"

Record’d Silent ឬ ”ថតយកភាពស្ងៀមស្ងាត់”

ភ្នំពេញ៖ កាលពីល្ងាចថ្ងៃទី២៤ ខែមិថុនាកន្លងទៅនេះ កម្រងឯកសារ Record’d Silent ដែលជាស្នាដៃរបស់ខ្លួននិស្សិតជំនាន់ទី១០ នៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ នៃសាកលវិទ្យាល័យភូមិន្ទភ្នំពេញ បានដាក់សម្ភោធបញ្ចាំងនៅមជ្ឃមណ្ឌល វប្បធម៌បុប្ជាណា ដោយមានការចូលរួមពីសំណាក់ អ្នកតំណាងជំនួយរដ្ឋាភិបាលអូស្រ្តាលី AusAID  អ្នកតំណាងវិទ្យុអូស្រ្តាលី ABC និង សិស្សនិសិ្សតយ៉ាងច្រើនកុះករ។

កម្រង់ឯកសារ Record’d Silent ឬ ”ថតយកភាពស្ងៀមស្ងាត់” ជាគម្រោងរបស់ និស្សិតជំនាន់ទី១០ នៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ ក្នុងមុខវិជ្ជា Multimedia and Online Journalism ដែលតម្រូវឲ្យសិស្សនិស្សិតក្នុងឆ្នាំទី៤ ចងក្រងឯកសារសំណេរ ឯកសាររូបថត និងវិដីអូឯកសារ ដើម្បីបង្កើតជាកញ្ចប់ប្រព័ន្ធផ្សព្វផ្សាយគ្រប់របៀបមួយ។ កម្រង់ឯកសារទាំងនេះបានផ្តោតសំខាន់ទៅលើ ប្រធានបទធំៗចំនួនបីដូចជា៖ អភិបាលកិច្ចល្អ បញ្ចប់អំពើហឹង្សាទៅលើស្ត្រី និងស្ត្រីនៅក្នុងអាជីពសារពត៌មាន។

លោកគ្រូ អ៊ុង ប៊ុនអ៊ី ដែលជាអ្នកដឹកនាំគម្រោងនេះ បានឲ្យដឹងថា ប្រធានបទឆ្នាំនេះគឺ ជាបញ្ហាសង្គម ដែលមិនសូវត្រូវបានគេពិភាក្សាឲ្យស៊ីជម្រៅទេ ហេតុដូច្នេះហើយទើបពួកយើងគិតថា បញ្ហាទាំងអស់នេះគួរតែលើកឡើងមកជម្រាបដល់ មហាជនទាំងឡាយ ដោយសង្ឃឹមថា នាថ្ងៃអនាគតនឹងអាចមានដំណោះស្រាយ និងមានការកែប្រែវិជ្ជមានចំពោះបញ្ហាទាំងអស់នេះ។ លោកគ្រូបានបន្តទៀតថា និស្សិតជំនាន់ទី១០ទាំង២៧រូបនេះ ត្រូវបានចែកជា៦ក្រុមតូចៗ ហើយចុះទៅតាមបណ្តាខេត្តក្រុងនានា ដូចជា រាជធានីភ្នំពេញ ខេត្តបាត់ដំបង ខេត្តកំពត ខេត្តកំពង់ឆ្នាំ និង ខេត្តរតនគិរី ដើម្បីធ្វើបទសម្ភាស និងថតវីដេអូ ទៅតាមប្រធានបទដែលពួកគាត់បានជ្រើសរើស។ លោកគ្រូបានបន្ថែមទៀតថា និស្សិតគ្រប់រូបបានចំណាយរយៈពេលបីខែ ក្នុងដំណើរការផលិត និងចំណាយរយៈពេលមួយខែក្រោយពីការផលិតដើម្បីធ្វើការកែសម្រួល និងផលិតចេញជាសមទ្ធផល ចុងក្រោយ។

កញ្ញា លី ស្រីជា អ្នកតំណាងផលិតករវ័យក្មេងទាំង២៧រូប បានឲ្យដឹងថា៖ “ក្នុងការផលិតកម្រង់ឯកសារនេះ ពួកយើងក៏បានជួបនូវបញ្ហាជាច្រើនផងដែរ ដូចជាផលវិបាកក្នុងការទាក់ទងប្រភព ផលវិបាកនៃការយោគយល់ពីអជ្ញាធរដែនដី និងអង្គការក្រៅរដ្ឋាភិបាលមួយចំនួន ក៏ដូចជាគ្រោះថ្នាក់ជាចៃដន្យ នៅក្នុងការចុះថតផងដែរ”។ កញ្ញាក៏បានបញ្ជាក់ផងដែរថា វីដីអូឯកសារទាំងអស់នេះ សុទ្ធសឹងតែ ត្រូវបានផលិតស្របតាមក្បួនខ្នាតវិជ្ជាជីវៈសារពត៌មានត្រឹមត្រូវ ដោយមានការពិភាក្សា និងណែនាំពីសំណាក់សាស្រ្តាចារ្យប្រកបដោយជំនាញ និងបទពិសោធន៍។

កម្រង់ឯកសារទាំង៦នេះ ត្រូវបានទទួលការឧបត្ថមខាងថវិកាពីរដ្ឋាភិបាលអូស្រ្តាលី AusAID តាមរយៈវិទ្យុABC ដោយសារប្រធានបទធំៗទាំងបីខាងលើនេះ មានភាពស្រប់គ្នានឹងគម្រោងការជំនួយរបស់រដ្ឋាភិបាលអូស្រ្តាលី AusAID ហើយផលិតកម្មឯកសារនេះផងដែរ ក៏ទទួលបានជំនួយខាងឧបករណ៍ពីដេប៉ាតឺម៉ង់ផ្ទាល់ផងដែរ។

លោក រត្ន ញាតា ប្រធានគម្រោងប្រព័ន្ធផ្សព្វផ្សាយកម្ពុជានៃជំនួយរបស់រដ្ឋាភិបាលអូស្រ្តាលី AusAID មានប្រសាសន៍ថា រដ្ឋាភិបាលអូស្រ្តាលីមានការគាំទ្រយ៉ាងពេញទំហឹង ទៅលើ សកមក្មភាពផ្សព្វផ្សាយអប់រំពីបញ្ហាដែលកំពុងតែកើតមានក្នុងសង្គមកម្ពុជា ដែលស្របតាមផែនការណ៍របស់ជំនួយរដ្ឋាភិបាលអូស្រ្តាលី។ លោកបានបន្តថា ទោះបីជាក់ស្តែងគម្រោងរបស់គាត់នឹងត្រូវ បានបញ្ចប់ត្រឹមនេះក្តី គម្រោងបន្ទាប់ទៅថ្ងៃមុខ គាត់នៅតែចង់សហការជាដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ដដែល។

ថ្លែងក្នុងពិធីបើកសម្ភោធនេះផងដែរ លោក សោម រតនា នាយកស្តីទីប្រចាំដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ បានសម្តែងនូវក្តីសោមនោសរីករាយ និងមោតនភាពចំពោះសិស្សនិស្សិត ដែលជាផលិតករវ័យក្មេងប្រកបដោយវិជ្ជាជីវៈសារពត៌មាន។ លោកនាយកក៏បានបញ្ចេញយោបល់ថា “ប្រធានបទឆ្នាំនេះគឺពិតជាសំខាន់ចំពោះការផ្សព្វផ្សាយពីបញ្ហាស្រ្តី ដែលជាក់ស្តែងសង្គម កម្ពុជាមានចំនួនស្រ្តីច្រើនជាងបុរស ហើយរឿរបស់គាត់ក៏មានច្រើនជាងបុរសដែល ប៉ុន្តែការផ្សព្វផ្សាយពីបញ្ហារបស់គាត់ហាក់បីដូចជា នៅមានកម្រិត”។ លោកនាយកក៏បានបន្ថែមផងដែលថា កម្រង់ឯកសារនេះនឹងមិនត្រូវបានជោគជ័យទេ ប្រសិនបើគ្មានការជួយ ជ្រុំជ្រែងពីដៃគូសហការណ៍ដូចជា ជំនួយរបស់រដ្ឋាភិបាលអូស្រ្តាលី AusAID  ក៏ដូចវិទ្យុអូស្រ្តាលី ABC Radio ហើយលោកក៏សង្ឃឹមថារដ្ឋាភិបាលអូស្រ្តាលីនៅតែបន្តការគាំទ្រនាពេលខាងមុខ។ 

គួរបញ្ជាក់ផងដែរថា វីដីអូឯកសារ Record’d Silent នេះគឺជាសមិត្តិផលទី៤ហើយក្នុងមុខវិជ្ជា Multimedia and Online Journalism ចាប់តាំងពីឆ្នាំ២០១១។ ដែលក្នុងឆ្នាំ២០១១ ក្រុមនិសិ្សត បានផ្តោតទៅលើប្រធានបទ គ្រោះមហន្តរាយ “Disaster” ហើយក្នុងឆ្នាំ២០១២ បានផ្តោតទៅលើប្រធានបទការកម្ពស់ស្រ្តី ដែលមានចំណងជើងថា “Her Story” និងឆ្នាំ២០១៣ បានផ្តោតទីលើប្រធានបទក្តីសង្ឃឹម ដែលមានចំណង់ជើងថា “Finding The Hope” ហើយគម្រោងនេះនឹងបន្តមាននៅ ឆ្នាំបន្តបន្ទាប់។

យុវជន និង យុវតី រាប់ពាន់នាក់ត្រៀមខ្លួនប្រកួតច្រៀងយក១០០លានរៀល

រូបថតដោយ សុីម វុទ្ធី

សរសេរដោយ៖ ជា សឹង្ហតារាឬទ្ធិ និង សុីម យុទ្ធី

កម្មវិធីប្រឡងចម្រៀងលំដាប់ថ្នាក់ពិភពលោកប្រចាំកម្ពុជា “The Voice Cambodia”

បានចាប់ផ្តើមបើកការប្រឡងរបស់ខ្លួននៅវិមានកោះពេជ្រ នៅព្រឹកថ្ងៃទី៣១ ខែឧសភា នេះ ដោយមានការចូលរួមយ៉ាងច្រើនកុះករពីសំណាក់បេក្ខជន បេក្ខនារី និងអ្នកគាំទ្រ មកពីខេត្តក្រុងនានាទូទាំងប្រទេស។

កម្មវីធីនេះត្រូវបានបង្កើតឡើងដោយស្ថានីយទូរទស្សន៍ហង្សមាស ក្រោមការឧបត្ថម្ត គាំទ្រផ្តាច់មុខពីក្រុមហ៊ុនស្រារបៀរកម្ពុជា។ ចំពោះជ័យលាភីលេខ១នឹង ទទួលបាន ប្រាក់វង្វាន់ចំនួន១០០លានរៀល នឹងកុងត្រាច្រៀងនៅផលិតកម្មហង្សមាស។ ក្នុងដំណើរ ការប្រឡងវិញ កម្មវិធីប្រឡងចម្រៀង The Voice Cambodia នេះ គឺមិនខុសគ្នាជាមួយនឹង កម្មវិធី The Voice នៅប្រទេសដ៏ទៃដែរ កម្មវិធីជំរុះមាន៤វគ្គ និងមានគណៈកម្មការចំនួន៤ រូប ហើយចំរាញយកតែអ្នកឈ្នះមួយគត់។

អ្នកចូលរួមប្រកួត        យុវជន អ៊ីង ចាន់ដារ៉ា ជានិស្សិតពេទ្យ នៅសាកលវិទ្យាល័យពុទ្ធិសាស្រ្ត និងជាបេក្ខជនប្រឡង បានឲ្យ ដឹងថា៖ “​កម្មវិធីជាឱកាសដ៏ល្អមួយដែលឲ្យយុវជនខ្មែរដែល ស្រលាញ់សិល្បៈអាចបញ្ចេញសមត្ថភាព និងទទួលបានប្រាក់ រង្វាន់ទៀតផង ហើយខ្ញុំចូលរួមប្រឡងកម្មវិធីនេះ ដោយសារតែខ្ញុំស្រលាញ់វាតាំងពី ក្មេង”។

លោក រចនា អ្នកសម្របសម្រួលកម្មវិធីប្រឡងបានឲ្យដឹងថា បេក្ខជន និង បេក្ខនារី បានមកចូលរួមប្រឡងក្នុងជំុទី១នេះ មានចំនួនប្រហែលជា៣០០០នាក់ ដែលក្នុងនោះ កម្មវិធីតម្រូវឲ្យជ្រើសរើសតែ១០០នាក់ជាងតែប៉ុន្នោះ អ្នកឈ្នះនឹងត្រូវឡើងទៅវគ្គបន្ត ដែលគេហៅថាការជំរុះកំបាំងមុខ "Blind Edition"។

កញ្ញា យ៉ា បី ជានិស្សិតផ្នែកច្បាប់នៅ សាកលវិទ្យាល័យ និតិសាស្ត្រនិងច្បាប់ និងជាបេក្ខនារីមួយរូបផងដែរនោះ បានឲ្យដឹង ថា៖ “ការប្រឡងចម្រៀងគឺជាក្តី ស្រមៃរបស់ខ្ញុំតាំងពីតូច ដូច្នេះហើយ នៅពេល ដែលដឹងថា កម្មវិធី ប្រឡងចម្រៀងនេះចាប់ផ្តើមជ្រើស រើសបេក្ខជន ខ្ញុំក៏មកចុះ ឈ្មោះភ្លាម”។ កញ្ញាបានបន្តទៀតថា៖ “ កម្មវិធីជាកម្មវិធី អន្តរជាតិ ហើយវាមិនធ្លាប់មានទេនៅស្រុកខ្មែរ ដូច្នេះហើយខ្ញុំពិតជាមាន ចិត្តសប្បាយ រីករាយ នឹងចូលរួមប្រឡង ហើយមួយវិញទៀតខ្ញុំក៏ចង់ល្បីចេញតាមក្នុង កញ្ចក់ទួរទស្សន៍”។

គួរបញ្ជាក់ផងដែរថា កម្មវិធីនេះត្រូវបានបង្កើតឡើងមុនដំបូងគេបង្អស់នៅសហរដ្ឋ អាមេរិច ក្នុងខែមេសា ឆ្នាំ២០១១ នៅក្នុងប្រាក់វង្វាន់ចំនួន១សែនដុល្លាអាមេរិច ហើយកម្មវិធីនេះផងដែរ ត្រូវបានផ្សាយផ្តាច់មុខដោយស្ថានីយទូរទស្សន៍ NBC។ ការប្រឡង នេះធ្វើឡើងដោយមាន គណៈកម្មការចំនួន៤រូប ដែលក្នុងនោះគណៈ កម្មការ១រូបៗមានតួរនាទីជ្រើសយកបេក្ខជន១ក្រុម ដែលខ្លួនពេញចិត្ត រួចបណ្តុះ បណ្តាល ដើម្បីធ្វើការប្រឡងជំរុះក្នុងវគ្្គបន្ត រហួតដល់រកឃើញអ្នកឈ្នះ។